جناب عامر ایچ شیرازی

چیئر مین

جناب عامر ایچ شیرازی اٹلس گروپ کے صدر ہیں۔ انہوں نے کلیئر مونٹ مک کینا کالج سے گریجوایشن مکمل کی اور ہارورڈ بزنس اسکول میں OPM میں شرکت کی۔ وہ کارپوریٹ مینجمنٹ میں سالہ وسیع تجربہ رکھتے ہیں۔اٹلس گروپ میں متعدد عہدوں پر کام کرنے کے علاوہ اُن کے پاس ہنڈا مریکہ میں بھی کام کرنے کا تجربہ ہے جس میں عرصہ گیارہ برس کے لئے اٹلس ہنڈا لمیٹڈ میں بطور چیف ایگزیکٹو فرائض کی انجام دہی شامل ہے۔
وہ اس وقت ہنڈا اٹلس کارز، اٹلس ہنڈا، اٹلس انجینئرنگ اور اٹلس آٹوز کے چیئر مین ہیں۔
وہ شیرازی انویسٹمنٹس (گروپ ہولڈنگ کمپنی)، شیرازی ٹریڈنگ اور مری بریوری کمپنی لمیٹڈ کے بورڈ میں بھی اپنے فرائض سرانجام دے رہے ہیں۔ وہ بورڈ آف گورنرز، لاہور یونیورسٹی آف مینجمنٹ سائنسز کے رکن اور یونیورسٹی آف انجینئرنگ اینڈ ٹیکنالوجی، لاہور کے سنڈیکیٹ ممبر ہیں۔ سکیورٹیز اینڈ ایکسچینج کمیشن آف پاکستان نے انہیں مسلسل دو مرتبہ لاہور اسٹاک ایکسچینج کے بورڈ میں بطور پروفیشنل ڈائریکٹر تعینات کیا۔
وہ سال 2002ء سے لاہور میں جاپان کے اعزازی قونصل جنر ل کی حیثیت سے اپنی خدمات سرانجام دے رہے ہیں اوروہ پاکستان جاپان کلچرل ایسوسی ایشن لاہور کے سرپرست اعلیٰ بھی ہیں۔

جناب تاکا فومی کوئیکے

صدر و چیف ایگزیکٹو آفیسر

جناب تاکافومی کوئیکے عرصہ 26 برس سے ہنڈا موٹر کمپنی لمیٹڈ جاپان کے ساتھ منسلک ہیں۔ انہوں نے سال 1998ء میں ہنڈا کو جوائن کیا اور ہنڈا موٹر کمپنی جاپان کے موٹر سائیکل اورسیز سیلز ڈویژن سے اپنی پیشہ ورانہ زندگی کا آغاز کیا۔ جناب تاکافومی کوئیکے کے پاس آٹو موبائل انڈسٹری میں وسیع تجربہ ہے اور انہوں نے پروڈکٹ پلاننگ اور سیلز ڈویژنز میں بھی کام کیا ہے۔ اپنی سابقہ اسائنمنٹ میں انہوں نے بزنس ایڈمنسٹریشن ڈویژن میں بطور جنرل مینجر اپنی خدمات سرانجام دی ہیں
اور ہنڈا موٹر کمپنی لمیٹڈ میں سیلز سپروائزری یونٹ آٹوموبائل آپریشنز میں کام کیا ہے۔ انہوں نے اپریل 2022ء میں ہنڈا اٹلس کارز (پاکستان) لمیٹڈ کے بورڈ میں بطور صدر و چیف ایگزیکٹو آفیسر شمولیت اختیار کی۔ جناب کوئیکے نے شنگھائی نارمل یونیورسٹی چین سے گریجوایشن مکمل کی۔

جناب ثاقب ایچ شیرازی

ڈائریکٹر و سینئر ایڈوائزر

جناب ثاقب شیرازی اٹلس ہنڈا کے صدر اور چیف ایگزیکٹو ہیں۔ بطور نمائندہ اٹلس گروپ وہ پاکستان آٹو مینوفیکچررز ایسوسی ایشن کے موجودہ چیئر مین ہیں۔ اس سے قبل میں انہوں نے بطور چیئر مین ہارورڈ بزنس اسکول کے گلوبل ایلومنی بورڈ اور چیئر مین پاکستان بزنس کونسل خدمات سرانجام دے رکھی ہیں۔
فی الوقت وہ پاکستان موبائل کمیونی کیشن ٹرائی پیک اور نیشنل اسکول آف پبلک پالیسی کے بورڈ میں اپنی خدمات سرانجام دے رہے ہیں۔ وہ برٹش انٹرنیشنل انویسٹمنٹ اور ہارورڈ بزنس اسکول کی ایڈوائزری کونسلز کا بھی حصہ ہیں۔ ماضی میں، انہوں نے کئی ملکی و بین الاقوامی بورڈز میں بطور ڈائریکٹر اپنی خدمات سرانجام دے چکے ہیں۔
انہوں نے وہارٹن اسکول آف فائننس سے گریجوایشن مکمل کی اور ہارورڈ بزنس اسکول سے MBA کی ڈگری حاصل کی۔

مسٹر ناؤکی نیگی

ایگزیکٹو ڈائریکٹر / نائب صدر (پروڈکشن)

مسٹر ناؤکی نیگی 1989 سے ہونڈا موٹر کمپنی جاپان کے ساتھ وابستہ ہیں۔ انہوں نے جاپان کے کاواگوئے کمرشل ہائی اسکول سے گریجویشن کی۔ انہوں نے ہونڈا موٹر کمپنی جاپان کے ویلڈنگ ڈیپارٹمنٹ میں بطور انجینئر اپنے کیرئیر کا آغاز کیا ۔ وہ ویلڈنگ ڈیپارٹمنٹ میں مختلف انتظامی عہدوں پر وسیع تجربہ رکھتے ہیں۔ انہوں نے اپریل 2021 سے کینیڈا میں ہونڈا آف کینیڈا مینوفیکچرنگ میں چار سال تک بطور چیف انجینئر بھی خدمات سرانجا م دیں۔ وہ ہونڈا موٹر کمپنی جاپان میں چیف انجینئر کے طور پر کام کر رہے ہیں۔
انہوں نے ہونڈا اٹلس کارز (پاکستان) لمیٹڈ کے بورڈ میں 01 اکتوبر 2024 سے ایگزیکٹو ڈائریکٹر اور نائب صدر پروڈکشن کے طور پر شمولیت اختیار کی۔

جناب گاکو ناکانیشی

ڈائریکٹر

جناب گاکو ناکانیشی عرصہ 33 برس سے ہنڈا موٹر کمپنی جاپان کے ساتھ منسلک ہیں۔ اُن کے پاس آٹو موبائل بزنس، پروڈکٹ پلاننگ اور مارکیٹنگ میں وسیع تجربہ ہے۔ انہوں نے ہنڈا موٹر جاپان میں بطور اسٹاف ممبر اپنی پیشہ ورانہ زندگی کا آغاز کیا اور ہنڈا کی مختلف ذیلی کمپنیوں میں کام کرتے رہے۔ اُنہوں نے 8 برس تک ہنڈا میکسکو میں بطور مینجر اپنی خدمات سرانجام دیں۔ وہ عرصہ تین برس کے لئے ہنڈا آٹو موبائل تھائی لینڈ اورچار برس کے لئے ہنڈا کارز انڈیا میں بطور صدر کام کر چکے ہیں۔ موجودہ عہدے پر تعیناتی سے قبل وہ ہنڈا موٹر کمپنی لمیٹڈ تھائی لینڈ کے ڈائریکٹر بھی رہ چکے ہیں۔
جناب ناکانیشی کو مئی 2022ء میں ہنڈا اٹلس کارز (پاکستان)لمیٹڈ کے بورڈ میں تعینات کیا گیا۔

جناب ہید ی نوری آشی کاوا

ڈائریکٹر

جناب ہیدی نوری آشی کاوا عرصہ 22 برس سے ہنڈا موٹر کمپنی لمیٹڈ جاپان کے ساتھ منسلک ہیں۔ وہ اکاؤنٹنگ مینجمنٹ، فائننس اور بزنس پلاننگ کا وسیع تجربہ رکھتے ہیں۔ وہ ہنڈا موٹر جاپان اور بیرون ملک ذیلی کمپنیوں میں کام کر چکے ہیں۔انہوں نے تقریباً چار سال ہنڈا موٹر یورپ میں بطور اکاؤنٹنگ فائننس اور ایچ آر اسسٹنٹ برائے صدر اور ہنڈا کارز انڈیا میں 3 سال سے زائد عرصہ کے لئے بطورCFO اور ڈائریکٹر کام کیا ہے۔ حال ہی میں انہوں نے ایشین ہنڈا موٹر کمپنی لمیٹڈ تھائی لینڈ میں بطور جنرل مینجرشمولیت اختیار کی ہے۔
جناب آشی کاوا کو یکم اپریل 2024ء کو ہنڈا اٹلس کارز (پاکستان) لمیٹڈ کے بورڈ میں تعینات کیا گیا۔

جناب عارف الاسلام

خود مختار ڈائریکٹر

جناب عارف الاسلام ایک سینئر بینکر ہیں جن کا بحرین اور پاکستان کے مختلف بینکوں میں 37 سال سے زائد عرصہ کا تجربہ ہے۔ اُنہوں نے انگلینڈ اور ویلز میں انسٹی ٹیوٹ آف چارٹرڈ اکاؤنٹنٹس سے چارٹرڈ اکاؤنٹنٹ کے طور کوالیفائی کیااور وہ انسٹی ٹیوٹ آف چارٹرڈ اکاؤنٹنٹس آف پاکستان کے شریک رکن ہیں۔ اُنہوں نے فیصل اسلامک بینک آف بحرین میں اپنے بینکنگ سفر کے آغاز سے قبل پیٹ، ماروک، مچل اینڈ کو (حالیہ KMPG) کے لندن آفس میں کام کیا۔ بعد ازاں وہ MCB چلے گئے جہاں اُن کا آخری عہدہ SEVP اور ہیڈ آف انویسٹمنٹ بینکنگ تھا،انہوں نے اپریل 1999ء میں میزان بینک بطور بنک کے پہلے چیف آپریٹنگ آفیسر کی حیثیت سے شمولیت اختیار کی اور حال ہی میں وہ بینک کے ڈپٹی سی ای او کے عہدہ سے ریٹائر ہوئے ہیں۔ وہ لکی کور انڈسٹریز کے بورڈ آف ڈائریکٹرز میں خود مختار ڈائریکٹر ہیں۔ اور مارچ 2020ء سے بطور خود مختار ڈائریکٹر ہنڈا اٹلس کارز (پاکستان) لمیٹڈ کے بورڈ کا حصہ ہیں۔

جناب محمد نعیم خان

خود مختار ڈائریکٹر

جناب محمد نعیم خان ہارورڈ بزنس اسکول بوسٹن امریکہ سے AMP ہیں اور انسٹی ٹیوٹ آف چارٹرڈ اکاؤنٹنٹس پاکستان اور انسٹی ٹیوٹ آف چارٹرڈ اکاؤنٹنٹس انگلینڈ اور ویلز کے شریک رکن ہیں۔ ان کے پاس آئل مارکیٹنگ کا وسیع تجربہ ہے جہاں انہوں نے فنڈز اور اکاؤنٹنگ فنکشنز کو مد نظر رکھتے ہوئے انتہائی اعلیٰ ریٹیل چین تیار کی ہے جس سے کمرشل صارفین کی تعداد میں اضافہ ہوا۔ انہوں نے فوڈ انڈسٹری میں بھی کام کیا ہے جہاں انہوں نے اقتصادی طور پر قابل عمل جدید پروڈکٹ لائنز تیا ر کرنے میں اہم کردار ادا کیا۔ کیپٹل مارکیٹ میں جامع سرایت پذیری کے ساتھ ایک انویسٹمنٹ بینکر بھی رہے۔ انہوں نے اٹلس گروپ کے بورڈز میں اپنی خدمات سرانجام دیں۔ اس وقت، وہ لاجسٹکس اور عوامی ذرائع نقل و حرکت (ٹرانسپورٹیشن) سے منسلک ادارے رازق گروپ کے بورڈ میں اپنی خدمات سرانجام دے رہے ہیں۔ وہ سروس انڈسٹریز لمیٹڈ اور سفائر فائبرز لمیٹڈ کے بورڈ میں خودمختار رکن اور سابقہ کمپنی کی آڈٹ کمیٹی کے چیئر مین بھی ہیں۔ جناب نعیم خان نے سکیورٹیز اینڈ ایکسچینج کمیشن آف پاکستان (SECP) اور کوڈ آف کارپوریٹ گورننس کی ہدایات کی روشنی میں بطور خود مختار ڈائریکٹر کوالیفائی کیا ہے۔

محترمہ رائی میہارا

خود مختار ڈائریکٹر

محترمہ میہارا سال 2008ء سے ماکوٹویا کمپنی لمیٹڈ جاپان کی چیف ایگزیکٹو آفیسر اور بانی ہیں۔ انہوں نے فوکوشی یونیورسٹی، میاگی جاپان سے سوشل ویلفیئر میں گریجوایٹ کیا ہے۔ تعلیمی سلسلے کے بعد انہوں نے سال 2001ء میں میسرز ریکروٹ سٹافنگ کمپنی لمیٹڈ میں کسٹمر سنٹر مینجر شمولیت اختیار کی اور ویلکم کمپنی لمیٹڈ جاپان میں بطور ڈائریکٹر ہیومن ریسور س ڈیویلپمنٹ بھی کام کیا۔ سال 2008ء میں انہوں نے ماکو ٹویا کمپنی لمیٹڈ کی بنیاد رکھی اور بطور CEO اور بانی کمپنی کام کیا۔ مس میہارا نے سال 2016ء میں ماکوٹویا پاکستان (پرائیویٹ) لمیٹڈ قائم کی اور بطور CEO کام شروع کر دیا۔ اُن کے پاس مارکیٹنگ، ہیومن ریسورس اور انٹرپرینیورشپ میں وسیع تجربہ ہے۔ وہ مئی 2018ء سے ہنڈا اٹلس کارز (پاکستان) لمیٹڈ کے بورڈ کا حصہ بھی ہیں۔

جناب مقصود الرحمن رحمانی

کمپنی سیکریٹری و نائب صدر

جناب رحمانی نے مارکیٹنگ میں ایم بی اے کیا ہے اور وہ یونیورسٹی آف کراچی سے لا گریجو ایٹ ہیں۔ انہوں نے INSEAD فرانس سے ایڈوانس مینجمنٹ کا کورس بھی کیا ہوا ہے۔ اُن کے پاس ہیومن ریسورس، ایڈمنسٹریشن، انڈسٹریل ریلیشنز، درآمدات، پرچیز اور لاجسٹکس اور سپلائی چین آپریشنز، وینڈرڈیویلپمنٹ اور کارپوریٹ افیئرز کا وسیع تجربہ ہے۔ اُنہوں نے سال 1989ء میں اٹلس ہنڈا کو جوائن کیا اور سال 2008ء میں ہنڈا اٹلس کارز (پاکستان) لمیٹڈ میں بطور جنرل مینجر لاجسٹکس ٹرانسفر ہوئے۔ نومبر 2014ء سے وہ بطور کمپنی سیکریٹری اور نائب صدر کام کر رہے ہیں۔